– Мы – напарнікі і ў жыцці, і ў працы, – гавораць пра сябе Юрый і Сяргей Цішкевічы.
Працуюць браты ў лесапункце Бярэзінскага лясгаса машыністамі фарвардараў - тралёвачных лесанарыхтоўчых машын.
Юрый спачатку працаваў у будаўнічай брыгадзе лясгаса, а потым асвоіў на той час новую магутную тэхніку. Цяпер фарвардары шырока выкарыстоўваюцца пры высечках спелага лесу (суцэльных, паступовых, выбарачных), а таксама пры высечках догляду. Услед за братам у Бярэзінскі лясгас уладкаваўся і Сяргей (дагэтуль ён рабіў у ДРБУ-192).
Юрый Цішкевіч з дачушкай Кірай
За сваю добрасумленную плённую працу і вялікі асабісты ўклад у развіццё лясной гаспадаркі, дасягненне высокіх вынікаў вытворчай дзейнасці Юрый і Сяргей былі адзначаны да прафесійнага свята – Дня работнікаў лесу – Ганаровымі граматамі Бярэзінскага лясгаса.
– Прыемна, калі цябе чакаюць дома, сустракаюць з радасцю, – падзяляюць свае думкі браты, – калі віншуюць са святамі. Дзень бацькі – для нас таксама цяпер падзея. Мы упэўнены: роля бацькі ў выхаванні і фарміраванні дзяцей вельмі важкая, важна быць дастойным прыкладам для сваіх сыноў і дачушак.
Алена ГРОМАВА.
Фота аўтара.
