Работнікі ўсіх лясніцтваў лясгаса спачатку праслухалі лекцыю прадстаўнікоў Бярэзінскай ЦРБ пра тое, як аказваць першую дапамогу ў экстранных выпадках, а потым прадэманстравалі свае адладжаныя дзеянні, накіраваныя на супрацьстаянне магчымым пагрозам.

Сярод агняборцаў – вадзіцель пажарнай машыны Іван Грыб, майстар лесу Кірыл Мароз, леснікі Канстанцін Ключэўскі, Сяргей Грыцкевіч, Андрэй Пянкрат, Сяргей Слабко, Уладзімір Заяц, Мікалай Тарасевіч, Міхаіл Жораў і інш.

- Наша задача -  каб людзі, якія выязджаюць на тушэнне  ляснога пажара, былі ўсебакова падрыхтаваны да  яго ліквідацыі, - гаворыць начальнік пажарна-хімічнай станцыі Бярэзінскага лясгаса Уладзімір Якавец.

Прадстаўнік Мінскага дзяржаўнага лесагаспадарчага аб’яднання   Валерый Сцепанюк застаўся задаволеным убачаным, даў добрую адзнаку тэхнічнай, тактычнай і практычнай гатоўнасці работнікаў лясной галіны Бярэзіншчыны.   

 Алена Громава. Бярэзiнская Панарама.

Фота аўтара